ન કોઇ મળ્યું દિવસો ફરવાનું કારણ બની ગઇ હવા દીપ ઠરવાનું કારણ હું કારણના જંગલમાં ભટક્યા કરું છું છે મુઠ્ઠીનો ખાલીપો ભરવાનું કારણ ન સંભળાય કોઇનો ઝાંખો ય પગરવ તો ભીંતો ! છે શું કાન ધરવાનું કારણ ? હું આંખોને શા કારણે છેતરું છું ? છે શું લીલા પર્ણો ચીતરવાનું કારણ ? હું પારાની માફક વીખેરાઇ બેઠો છે કોઇનો ખોબો નીતરવાનું કારણ સદીઓથી શોધી રહ્યાં વૃક્ષ એને મળે છે જ ક્યાં પર્ણ ખરવાનું કારણ ?