તારી આંખોમાં હું, મારી હસ્તી સમાવી દઉં, તારી બાંહોમાં હું, હર ગમ ભૂલાવી દઉં. તારી ઝૂલ્ફોમાં હું, ખૂદને છૂપાવી દઉં, તારા હોઠોને મારાં પ્રેમચુંબને ભિજાવી દઉં. તારા હાથોને મારા હાથોથી મ્હેંદી સજાવી દઉં, તારા દિલમાં હું, પછી જગા બનાવી દઉં. તારું નામ હું મારી ધડકનમાં વસાવી દઉં, તને પામવા હું મારું સર્વસ્વ લૂટાવી દઉં. ’જ્વલંત’ દીપથી હું દીપ પ્રગટાવી લઉં, પછી અસ્તિત્વથી અસ્તિત્વને સમાવી દઉં.