જીવનમાં કઈ કમી છે, શી કમી છે આપને નહીં કહું, રહીને દૂર મારા પર વરસતા શાપને નહીં કહું. અતિથી બે હતા પણ એકને આપી દીધી રૂખ્સદ, ખુશીને તો કહ્યું જાવા, હવે સંતાપને નહીં કહું. કે દીઠો દંભ ભક્તિમાં ને સાદાઇ ગુનાહોમાં, કુરૂપ છે પુણ્ય, એ મારા રુપાળા પાપને નહીં કહું. અરીસો હોય કદરૂપો તો કદરૂપી છબી ઉપસે, છતા કંઇ આપ પર મારા વિષેની છાપ નહીં કહું. સ્મરણ હો કે હવે પ્રત્યક્ષ હો સાનિધ્ય સરખું છે, પરસ્પર ભિન્ન હું આપણા મેળાપને નહીં કહું. ધખે છે સુર્ય જે નભમાં પ્રકટશે ચન્દ્ર ત્યાં શીતળ્, કદી સ્થાયી જીવનમાં જીરવેલા તાપને નહીં કહું. "ગની" સ્વરમાં રહી ગાયું જીવનનું ગીત પણ અંતે થયુ કોલાહલે ગૂમ, ભેદ એ આલાપને નહીં કહું.